سب سے پہلے بڑے برتن میں پانی گرم کریں یہاں تک کہ اُبال آجاۓ۔پھر اس میں چاول شامل کریں اور پورا پکا لیں(70فیصد 80فیصد نہیں رکھنا)

چاول پک جاۓ تو نتھار لیں اور پانی کسی صاف برتن میں محفوظ کر لیں۔

اب ایک الگ برتن میں ہری پیاز کا سفید والا حصّہ ،ٹماٹر ،لہسن اور سبز مرچ اور پانی ڈال کر اچھے سے گلا لیں۔

مصالحہ اچھے سےگل جاۓ تو میشر کی مدد سے اچھے سے پیس لیں اور پھر اس میں نمک ہری پیاز(سبز حصہ) ،لال مرچ،ہلدی اور آٸل شامل کریں اور درمیانی آنچ پر بھون لیں۔

مصالحہ جب گھی چھوڑ دے تو اس میں چاول کا پانی شامل کریں اور تیز آنچ پر گاڑھا ہونے تک پکا لیں۔

کڑی گاڑھی ہو جاۓ تو چولہا بند کر دیں اور ساتھ ہی سبز دھنیا اور تھوڑی سی کالی مرچ اور گرم مصالحہ شامل کر دیں۔

چاول کی کڑی تیار ہے۔ ابلے چاول اور شامی کباب کے ساتھ نوش فرماٸیں۔