સૌથી પહેલા ચટણી બનાવી લેશું.નાળિયેર ને ગરમ પાણી માં પલાળી રાખ્યું છે 45 મિનિટ માટે પછી મિક્સરમાં ચટણી માટે ની બધી સામગ્રી નાખી પીસી લેવી.પછી તેમાં વઘાર કરવો.

તેમાં વઘાર કરવા 1 ચમચી તેલ મૂકી રાય નાખી, હિંગ અને લીમડાના પાન નાખવા ને સાથે લાલ સૂકું મરચું પણ નાખવું.પછી તે ચટણી માં નાખી દેવું.

ખીરું બનાવા માટે સૌ પ્રથમ 2 વાટકી ચોખા લઇ તેમાં અડધી વાટકી અડદની દાળ નાખવી અને સાથે અડધી વાટકી પૌવા નાખવા. આ બધું 4 થી 5 કલાક પલાડયા પછી તેમાં એક વાટકી દહીં નાખી તેને મિક્સચરમાં પીસી લેવું, તે એકદમ ઝીણુ પીસવું.જરૂર પડે તો થોડું પાણી નાખવું. પછી તેને એક રાત આથો લાવા કુકર માં ઢાંકી ને મૂકવું(કુકર થોડું મોટું લેવું કેમકે આથો આવાથી ખીરું ફુલાઈ ને બહાર ના નીકળે).આ દરમ્યાન મીઠું ના નાખવું નહીં તો આથો જલ્દી નહીં આવે. આથો સરખો આવે પછીજ ઢોસા કરવા નહીં તો ઢોસા સારા નહીં બને.

હવે મસાલો બનાવા માટે તેલ ગરમ કરી તેમાં લીલા મરચા,અડદની પલાળેલા દાળ અને લીમડો નાખી એક મિનિટ સાંતળવું પછી તેમાં ડુંગળી નાખી થોડી વાર પકવવું પછી તેમાં હળદર, મીઠું, મરચું પાવડર નાખી મિક્ષ કરવું.

પછી તેમાં બાફેલા બટેકા હાથેથી અથવા છીણીમાં ક્રશ કરી નાખવા.પછી તેમાં 2 ચમચી પાણી નાખી હલાવી લેવું ને તેને 3 મિનિટ ચડાવ્યા પછી કોથમરી નાખી બસજુ પર રાખવું.

હવે આપણે ઢોસા બનવાની શરૂઆત કરીએ, ખીરું થોડું પાતળું જ રાખવું થોડું પાણી નાખી ને પાતળું કરવું જો ખીરું જાડુ લગે તો.કેમ કે નાઈ તો ઢોસા પાતળાં નહીં બને. ઢોસાની નું નોનસ્ટિક તવી લઈ તેમાં આ રીતે ફોટામાં બતાવ્યા પ્રમાણે ખીરું એક ચમચો લઈ વચ્ચે ખીરું રેડી તેને ચમચા વડે આમ ગોડ ગોડ પાતળું પાથરવું.પછી તેના પર તમે ઢોસાનો સાઉથ ઇન્ડિયન ગન પાવડર નાખી શકો છો થોડી વાર પછી તે નીચેથી ગોલ્ડન કલર નો થાય એટલે અને તેના પર મસાલો રાખી ને ગોળ વાળી ઉપાળી લેવો.

ઢોસા તૈયાર છે તેને તમે ચટણી અને મસાલા સાથે અને સાંભાર સાથે પીરસી શકો છો. મેં સાંભાર નથી બનાવ્યો કારણકે અમને એમજ સારા લાગે છે ચટણી સાથે.