નાના બટાટા ને ૧૦ મિનિટ સુધી મીઠા વાળા પાણી માં પલાળી રાખો. પછી પ્રેશર કુકરમાં ૪ સીટી વગાડી ને બાફી લો. ઠંડા થાય એટલે છાલ ઉતારી અને બાજુ પર મૂકો.

પાલક ની ભાજી ને ગરમ પાણી માં ઘોઈ અને એક વાસણમાં નાખી ને પાણી ઉમેરી ગેસ પર બાફી લો. પાણી નિતારી લો.

મિક્ષ્ચર જાર માં સમારેલી ડુંગળી, લીલા મરચા ના ટુકડા, આદુ, બાફેલી પાલક ભાજી નાખી ને પીસી લો.

એક કઢાઈમાં ઘી ગરમ કરી તેમાં જીરું નો વઘાર કરી તેમાં નાના બટાટા નાખી ને ૨-૩ મિનિટ સાંતળો.

એમાં પીસેલી ડુંગળી- પાલક ની મિશ્રણ ઉમેરીને, મીઠું અને ગરમ મસાલો નાખી ને મિક્સ કરી ને ૫ મિનિટ સુધી પકાવો.

પરોઠા માટે.. એક વાસણમાં ઘઉં નો લોટ માં તેલ નું મોણ નાખીને, મીઠું ઉમેરી, મિક્સ કરી, પાણી સાથે પરોઠા માટે લોટ બાંધવો. ૧/૨-૧ કલાક ઢાંકીને રહેવા દો. લુઆ બનાવી અને નાની પૂરી વણી એના ઉપર ઘી લગાડી ઉપર ઘઉં નો લોટ છાંટી, બે વખત ફોલ્ડ કરી,ત્રીકોણ આકાર ના પરોઠા વણી લો. ગરમ તવા પર ધી નાખી ને બન્ને સાઈડ શેકી લો.