चण्याचे पीठ,तांदळाचे पीठ,मीठ,हळद,ओवा,सोडा,लसूण मिरची पेस्ट हे सगळं एकत्र करून हळूहळू पाणी घालत त्याचे फार पातळ ही नाही आणि फार घट्ट ही नाही असे बॅटर करून घेतले.

पॅन मध्ये तेल घालून जीरे, लसूण मिरचीची पेस्ट घालून परतले.मग हिंग, हळद घालून नंतर उकडून कुस्करलेले बटाटे,मीठ,कोथिंबीर घालून नीट परतून सारण तयार करून घेतले.

पावाच्या मधोमध पॉकेट प्रमाणे चीर देऊन त्यात तयार सारण भरले.ह्याप्रमाणे सगळे पाव सारण भरून तयार ठेवले.

तयार पाव बॅटर मध्ये नीट घोळवून कढईतील तापलेल्या तेलात घालून दोन्ही बाजूंनी छान तळून घेतले.

दोन्ही बाजूंनी नीट तळून झाले की मग त्याच तेलात मिरच्या तळून घेतल्या,त्यावर मीठ भुरभुरले.

तयार पाव वडा मी टोमॅटो सॉस आणि मिरच्यांसोबात सर्व्ह केले.पण चिंच गुळाच्या चटणी सोबतही खूप छान लागतात.