முதலில் கத்திரிக்காயை சிறிய துண்டுகளாக வெட்டி தண்ணீரில் போடவும். ***நிறைய நேரம் தண்ணீரில் வெட்டிப்போட்டு விடக்கூடாது. காய் கசப்பு ஆகிவிடும். தண்ணீரில் போடாமல் வெட்டி வைத்தால் காய் கருப்பாகி விடும்.

சாம்பார் வெங்காயத்தை வெட்டி வைக்கவும். புளியை, தண்ணீர் சேர்த்து ஊற வைக்கவும். *** புளியை கொதிக்கும் நீரில் ஊற வைத்தால், பிழிந்து சாறு எடுப்பது சுலபம்.

இப்போது அடி கனமான பாத்திரத்தில், வெட்டி
வைத்துள்ள கத்தரிக்காய், சாம்பார் வெங்காயம், மிளகாய் தூள், மஞ்சள் தூள், உப்பு, ஒரு டீஸ் ஸ்பூன் எண்ணை, புளி கரைத்து வைத்துள்ள புளித்தண்ணீர் சேர்த்து நன்கு கலந்து வேகவிடவும்.

பத்து நிமிடம் போதும். குழம்பு ரெடி ஆகிவிடும்.பின் துருவிய தேங்காய் சேர்த்து, உப்பு சரி பார்க்கவும்.

இப்போது கடாயில் எண்ணெய் ஊற்றி, சூடானதும் கடுகு, கறிவேப்பிலை, கொஞ்சம் வெங்காயம் சேர்த்து வதக்கி கொதிக்கும் குழம்பில் கொட்டவும். ஸ்டாவ் ஆப் செய்யவும்.

இப்போது சுவையான கத்தரிக்காய் புளிக்குழம்பு சுவைக்கத் தயார். சாதத்துடன் கலந்து சாப்பிட மிகவும் சுவையாக இருக்கும்.