புளியை 2 டம்ளர் நீரில் ஊறவைத்து கரைத்து வடிகட்டி வைத்துக் கொள்ளுங்கள். 8 சின்ன வெங்காயம் 6 பல் பூண்டு பொடியாக அரிந்து வைக்கவும். ஒரு பெரிய கனிந்த தக்காளியை பொடியாக அரிந்து வைக்கவும். வாணலில் எண்ணெய் ஊற்றி சூடானதும் கடுகு உளுந்து ஒரு ஸ்பூன் வெந்தயம் ஒரு வரமிளகாய் பெருங்காயம் தாளிக்கவும்.

வெங்காயம் பூண்டு போட்டு வதக்கவும்.வதங்கியதும் தக்காளி சாம்பார் பொடி ஒரு ஸ்பூன் தனியா தூள் ஒரு ஸ்பூன் கருவேப்பிலை கொத்தமல்லி கீரையை அலசி ஒரு பிடி சேர்த்து நன்கு வதக்கவும்.தேவையான உப்பு மஞ்சள்தூள் சேர்க்கவும். கரைத்த புளியை ஊற்றி கொதிக்கவிடவும். 2 ஸ்பூன் தேங்காய் துருவலை மிக்ஸியில் மைய அரைத்து அதில் சேர்க்கவும். ஒரு ஸ்பூன் சர்க்கரை சேர்த்து கலந்து விட்டு அடுப்பை சிம்மில் வைத்து நல்லெண்ணெய் 2 ஸ்பூன் மேலே ஊற்றி குழம்பு கெட்டியாகும் வரை கொதிக்க வைத்து இறக்கவும் சுவையான தக்காளி புளிக்குழம்பு தயார்.

தக்காளி காரக்குழம்பு என்றும் சொல்லலாம். காய்கறி இல்லாத நேரத்தில் இந்த குழம்பு எங்கள் வீட்டில் செய்வோம். சாதத்துடன் சேர்த்து சாப்பிட மிகவும் சுவையாக இருக்கும்.