સૌપ્રથમ બધા શાક ને સમારી ધોઇ લેવું. પછી કુકર માં પાણી મુકી તેમાં શાક ઉમેરી કુકર ની બે થી ત્રણ સીટી વગાડી લેવું.બાઉલ મા કાઢી મેશરથી મેશ કરી લેવું.

ત્યારબાદ પેનમાં તેલ ગરમ કરવા મુકવું તેલ ગરમ થઈ જાય એટલે તેમાં સમારેલા કાંદા બદામી થાય ત્યા સુધી સાંતડી લેવું. પછી તેમાં ટામેટા ઉમેરી સોફ્ટ થાય ત્યા સુધી સાંતળી તેને મેશર થી મેશ કરી લેવું.

ત્યારબાદ ટામેટા સંતડાય જાય એટલે તેમાં મરચાં ની પેસ્ટ,આદુ ની પેસ્ટ લસણની પેસ્ટ નાખી સાંતડી લેવું. હવે તેમાં હળદર, લાલ મરચું પાઉડર,ગરમ મસાલો, પાઉંભાજી મસાલો, મીઠું નાંખી મિક્સ કરી થવા દેવું.

ત્યારબાદ તેમાં બાફી ને મેશ કરેલા શાક ઉમેરી બધું બરાબર મિક્સ કરી લેવું. અને તેલ છુટું પડે ત્યા સુધી થવા દેવું. પછી તેલ છુટું પડી જાય એટલે તેમાં કોથમીર અને લીલુ લસણ ઉમેરવું.