લોટ બાંધવા માટે : ઘઉંનો લોટ અને મેંદો એક બાઉલમાં લઈને તેમાં મીઠું અને અજમો હાથમાં બરાબર મસળીને નાખી દેવો. બરાબર મિક્સ કરી મોણ માટે તેલ નાખો. જરૂર મુજબ પાણી નાખીને કઠણ લોટ બાંધવો. ૧૦ થી ૧૫ મિનીટ માટે ઢાંકીને રહેવા દો.

પુરણ માટે : એક બાઉલમાં બાફેલા બટેટાને મેસ કરી તેમાં બધા મસાલા તેમજ કાપેલું મરચું, કોથમીર, ફુદીનો અને સીંગદાણા નાખી પુરણ તૈયાર કરી લેવું.

હવે લોટમાંથી રોટલી વણી તેના વચ્ચેથી બે ભાગ કરી લેવા. હવે એક બાજુની કિનારીએ પાણી લગાવી પુરણ ભરી સમોસા ના આકાર માં વાળી તૈયાર કરી લેવું. આ રીતે બધા સમોસા તૈયાર કરી લેવા.

હવે તેલ ગરમ થાય એટલે મધ્યમ આંચ પર સમોસા તળીને તૈયાર કરી લેવા. સમોસા નો કલર ના બદલાય ત્યાં સુધી તળવા.

હવે તેને એક પ્લેટમાં કાઢી સોસ તેમજ કોથમીર અને ખજૂર - આમલીની ચટણી સાથે સજાવટ કરી મજા માણો.