प्रथम एका कढईमध्ये तुरीचे दाणे आणि मटार दाणे आणि मिरच्या टाकून भाजून घ्यावे, दाणे चांगले भाजले की ते एका ताटात थंड करायला ठेवावे.

नंतर एका परातीत मैदा घेऊन त्यात मीठ आणि तेल टाकून मिक्स करून घ्यावे आणि पीठाचा छान हाताने गोळा होईपर्यंत मिक्स करावे आणि पाणी घालून पीठ भिजवून घ्यावे.

नंतर तुरीचे दाणे मिक्सर मधून थोडेसे जाडसर वाटून घ्यावे आणि एका कढईमध्ये तेल गरम करून त्यात हिंग, मोहरी, जीरे टाकावे आणि ते तडतडल्यावर त्यात आलं लसूण पेस्ट टाकून परतून घ्यावे ते छान गुलाबीसर झाल्यावर त्यात दाण्याचे मिश्रण घालावे आणि मिक्स करून घ्यावे चांगले एकजीव झाले की त्यात कोथिंबीर घालून मिक्स करावे आणि हे मिश्रण थंड करायला ठेवावे.

नंतर भिजवून ठेवलेल्या मैद्याचे पीठ मळून घ्यावे आणि त्याचा एक छोटा गोळा घेऊन त्याची छोटी पोळी लाटून घ्यावी आणि तयार केलेले तुरीच्या दाण्याचे मिश्रण त्या पोळीत भरून त्याची कचोरी बनवून घ्यावी, अशाप्रकारे सर्व मिश्रणाच्या कचोरी बनवून घ्याव्या.

नंतर एका कढईमध्ये तेल गरम करून त्यात कचोऱ्या तळून घ्याव्यात, तयार आहे हिरव्या तुरीच्या दाण्याची कचोरी.