வாணலியில் எண்ணெய் சேர்த்து முந்திரி பருப்பு வெங்காயம் சேர்த்து வதக்கவும்.வெங்காயம் வதங்கியவுடன் இஞ்சி பூண்டு விழுது சேர்த்து நன்கு வதக்கவும். அதோடு தக்காளியை சேர்த்து நன்கு வதக்கவும். சூடு ஆறியவுடன் அரைத்து வைத்துக் கொள்ளவும். குக்கரில் வெண்ணெய் மற்றும் எண்ணெய் சேர்த்து பட்டை,கிராம்பு, சோம்பு, சீரகம், ஏலக்காய், பிரியாணி இலை சேர்த்து தாளிக்கவும்.

அதோடு அரைத்த வெங்காயம் தக்காளி விழுதைச் சேர்த்து நன்குவதக்கி மிளகாய்த் தூள், கொத்தமல்லித் தூள், கரம் மசாலா தூள், உப்பு, மஞ்சள்தூள் சேர்க்கவும். 3 நிமிடம் வதக்கியபின் முக்கால் டம்ளர் தண்ணீர் சேர்த்து கொதிக்க வைக்கவும். இப்பொழுது கிரேவி ரெடி.

கோஃப்தா செய்ய வேக வைத்த உருளைக் கிழங்கு, முக்கால் கப் பன்னீர், பாதாம், முந்திரி, திராட்சை, சீரகம், பச்சை மிளகாய், மிளகாய்த்தூள், மைதாமாவு, கொத்தமல்லி இலை சேர்த்து கலந்து சிறு உருண்டைகளாக பிடித்து எண்ணையில் பொரித்து கொள்ளவும்.

கோஃப்தா பால்ஸ், கஸ்தூரி மேத்தி, பால் ஏடு இவற்றை கிரேவியில் சேர்க்கவும். சுவையான மலாய் கோஃப்தா ரெடி.