முதலில் தேவையான பொருட்கள் அனைத்தையும் தயாராக எடுத்து வைத்துக் கொள்ளவும். இரண்டு பெரிய வெங்காயத்தில் 1 1/2 மட்டும் பெரிதாக நறுக்கி வைத்து மீதி அரை பெரிய வெங்காயத்தை பொடியாக நறுக்கி வைத்துக் கொள்ளவும்.உருளைக்கிழங்கை நீளவாக்கில் நறுக்கி தேவையான அளவு எண்ணெய் ஊற்றி நன்றாக முதல் பகுதி குறுகலாக வேகும் வரை பொரித்து எடுத்து தனியாக வைத்துக்கொள்ளவும்.

ஒரு கடாயை அடுப்பில் வைத்து அதில் 2 டீஸ்பூன் எண்ணெய் விட்டு காய்ந்ததும் அதில் பெரிதாக நறுக்கிய பெரிய வெங்காயம் இஞ்சி பூண்டு தக்காளி முந்திரி ஆகியவற்றை ஒன்றன் பின் ஒன்றாக சேர்த்து நன்றாக வதக்கவும்.இந்த கலவை நன்றாக ஆறியதும் மிக்ஸியில் போட்டு அரைத்து வைத்துக் கொள்ளவும். பின்னர் ஒரு கடாயை அடுப்பில் வைத்து 2 டீஸ்பூன் எண்ணெய் விட்டு காய்ந்ததும் அதில் சோம்பு பட்டை வகைகள் சேர்த்து பொரியவிடவும்.1/2 பொடியாக நறுக்கிய பெரிய வெங்காயம் சேர்த்து வதக்கவும்.

பின்னர் அரைத்த மசாலா கலவையை சேர்த்து நன்றாக கலந்து கொள்ளவும் எடுத்து வைத்துள்ள மசாலா தூள்களை சேர்த்து கலந்து தேவையான அளவு தண்ணீர் சேர்த்து நன்றாக கொதிக்கவிடவும் என்னை பிரிந்து வரும்வரை கொதித்த பின்பு பொரித்து வைத்துள்ள உருளைக்கிழங்கை சேர்த்து 2 நிமிடம் மூடி போட்டு வேகவிடவும்.

இரண்டிலிருந்து மூன்று நிமிடம் நன்றாக வெந்ததும் சிறிதளவு கஸ்தூரி மேத்தி இலையை கைகளால் கசக்கி மேலே தூவி விடவும். இதன் வாசனை மிகவும் சுவையாக இருக்கும் நன்றாக இருக்கும்.பின்னர் சிறிதளவு கொத்தமல்லி இலை தூவி பரிமாறவும். இட்லி தோசை சப்பாத்தி என அனைத்திற்கும் மிகவும் சுவையாக ஏற்ற விதத்தில் உருளைக்கிழங்கு கிரேவி தயார். நன்றி. ஹேமலதா கதிர்வேல்.