અડદ ની ફોતરા વગર ની દાળ અને મગ ની દાળ ને ધોઈ ને 1 કલાક માટે પલાળી રાખો.

ત્યારબાદ કૂકર માં લઈ 2 કપ પાણી, મીઠું અને થોડાં ટીપાં તેલ ઉમેરી 5 થી 6 સીટી મારી બાફી લેવી.

મેં અહીં અડદ ની દાળ ને માટી ના વાસણ માં બનાવી છે જે દાળ ને અલગ પ્રકાર ની સુગંધ અને સ્વાદ આપે છે. એટલે માટી ના પેન માં ઘી ગરમ કરો.. જીરું ઉમેરી તતડે એટલે આદું મરચાં લસણ ની પેસ્ટ ઉમેરી હલાવો.

હવે ડુંગળી ઉમેરી સાંતળો.. ગુલાબી થાય એટલે તેમાં ટામેટાં ઉમેરી બરાબર મિક્સ કરી ચડવા દો.

ત્યારબાદ તેમાં લાલ મરચું, હળદર,ધાણાજીરું નાંખી બફાઈ ગયેલી અડદ ની દાળ ઉમેરી બરાબર મિક્સ કરી લો. મીઠું અને જરૂર મુજબ પાણી ઉમેરી 5 મિનિટ સુધી પકાવો.

હવે ડબલ તડકા માટે ફરી એક વઘરીયા માં તેલ કે ઘી લઈ ગરમ કરો.. તેમાં જીરું, હિંગ, મીઠો લીમડો, લાલ આખું મરચું, તમાલપત્ર ઉમેરી ઉપર થી કાશ્મીરી લાલ મરચું પાઉડર નાખી દાળ માં ઉપર થી વઘાર કરવો. લીંબુ નો રસ ઉમેરી લેવો.

આ રીતે અડદ ની દાળ તૈયાર થશે જેને રોટી, બાજરી ના રોટલા, માખણ, અથાણાં અને ગોળ સાથે સર્વ કરી શકાય.

ઝીણી સમારેલી કોથમીર થી ગાર્નિશ કરીને ગરમા ગરમ દાળ સર્વ કરો.