સૌ પ્રથમ ગાજરને ધોઈ, કોરા કરી, છોલીને છીણી લો...ઝીણી છીણી થી છીણવાનું છે.

હવે એક પેન અથવા કડાઈમાં ઘી ગરમ મુકો...ગાજરનું છીણ ઉમેરી સાંતળો...ચલાવતા રહો. પાંચ - સાત મિનિટ માટે ઢાંકીને થવા દો.

ગાજર નું છીણ સોફ્ટ થાય એટલે મિલ્ક પાઉડર અને ફ્રેશ મલાઈ ઉમેરી ચલાવતા રહો...માવા જેવી ઈફેક્ટ આવી જશે.આપણે દૂધની જગ્યાએ મિલ્ક પાઉડર અને મલાઈ ઉમેર્યા છે એટલે હલવો ઝડપ થી બની જશે.

હવે ખાંડ ઉમેરી દો....સ્વાદ પ્રમાણે વધારે કે ઓછી ઉમેરી શકો...ખાંડનું થોડું પાણી છૂટશે...ચલાવ્યા કરશો એટલે ખાંડનું પાણી શોષાઈ જશે...હવે ડ્રાયફ્રુટ પાઉડર ઉમેરી દો....મેં કાજુ, બદામ, અખરોટ નો પાઉડર બનાવ્યો છે...ઈલાયચી પાઉડર પણ ઉમેરો.

સતત ચલાવતા રહો અને મિશ્રણ ઘટ્ટ થઈને ઘી છૂટું પડે ત્યારે ગેસ બંધ કરો...