ஒரு வாணலியை சூடாக்கி 2 ஸ்பூன் வெண்ணை சேர்த்து சூடானதும் பொடியாக நறுக்கிய வெங்காயம், இஞ்சி, பூண்டை சேர்த்து 2 நிமிடம் வதக்கவும். பின்பு நறுக்கிய தக்காளியை சேர்த்து மேலும் ஒன்று அல்லது இரண்டு நிமிடம் வதக்கவும். இதை ஆறவிட்டு மிக்ஸியில் முந்திரியுடன் சேர்த்து நைசாக அரைத்துக் கொள்ளவும்.

ஒரு அடி கனமான பாத்திரத்தை சூடாக்கி மீதி இருக்கும் வெண்ணெயை சேர்த்து சூடானதும் கிராம்பு மற்றும் மசாலா பட்டை சேர்த்து பொரித்து அரைத்து வைத்திருக்கும் தக்காளி மற்றும் வெங்காய விழுதை சேர்த்து மேலும் ஒரு கப் நீர் விட்டு நன்கு கலக்கவும். பிறகு மிளகாய் தூள், கரம் மசாலா, மஞ்சள் தூள் மற்றும் உப்பு சேர்த்து கலந்து 2 நிமிடம் கொதிக்கவிடவும்.

பின்பு துண்டுகளாக்கிய பனீரை நெய்யில் லேசாக வறுத்து மசாலாவில் சேர்க்கவும். ஒரு நிமிடம் மேலும் கொதித்த பிறகு கஸூரி மேத்தியை உள்ளங்கைகளால் பொடியாக்கி மேலே தூவி அடுப்பை அணைக்கவும். சுவையான பனீர் பட்டர் மசாலா தயார்.