એક બાઉલમાં ઘઉંનો લોટ અને રવો ચાળી લો.પછી તેમાં થોડું ગરમ મલાઈવાળું દૂધ થોડું થોડું કરીને ભજીયા જેવું ખીરું બનાવો. તેને 15 મિનિટ ઢાંકીને રહેવા દો.પછી તેમાં વરિયાળીનો ભૂકો નાખી હલાવી દો.

એક પેનમાં તેલ ગરમ મૂકી તેલ ગરમ થાય એટલે તેમાં ધીમેથી ચમચાની મદદથી માલપૂડા મૂકો.તેની જાતે જ ઉપર આવે એટલે તેને ફેરવી દો. બંને સાઇડ ગોલ્ડન બ્રાઉન થાય એટલે એક ડિશમાં કાઢી લો.

હવે એક મોટી કઢાઈમાં ખાંડ અને પાણી રેડી તેમાં કેસર નાખી ધીમા તાપે હલાવો. ચાસણીને ઉકળવા દો. ચાસણી ઉકરી જાય અને ખાંડ ઓગળી જાય એટલે તેમાં ઈલાયચી પાઉડર નાખી ગેસ બંધ કરો.

ગરમ માલપૂડા ને ગરમ ચાસણીમાં બે મિનિટ બોરી રાખો. ત્યાં સુધી બીજા માલપુડા બનાવીને તૈયાર કરો.આમ બધાજ માલપૂડા તૈયાર કરો.