સૌ પ્રથમ બટાકા નો મસાલો બનાવવા માટે બટાકા ને એકદમ બારીક કટ કરી લો તેમાં ચણા, મગ, લસણની ચટણી, લાલ મરચું, ચાટ મસાલો તથા મીઠું ઉમેરી મીકક્ષ કરી લો.

હવે એક બાઉલમાં દહીં લો અને તેને બરાબર ફેટી લો જો દહીં થોડુ થીક હોય તો 2 - 3 ટેબલ સ્પૂન પાણી ઉમેરી તેમાં મીઠું, સંચર અને દળેલી ખાંડ ઉમેરી ફરી ફેટી લો. આપણું મીઠું દહીં તૈયાર છે.

હવે એક પ્લેટમાં પૂરી માં કાણા પાડીને ગોઠવી લો. હવે તેમાં બટાકા નો મસાલો ભરો. હવે થોડા મમરા, તીખી બુંદી, સેવ ભરો હવે તેમાં દરેક ચટણી ઉમેરો, લસણ ની ચટણી તમે જે પ્રમાણે તીખું ખાતા હોવ એટલી ઉમેરવી. લીલી ચટણી અને મીઠી ચટણી.

બધી પુરીઓ ફૂલ ભરાઈ જાય એટલે પ્લેટ ઉપર મમરા અને સેવ નું લેયર કરી દો. હવે તે દરેક પૂરી પર મીઠું દહીં ઉમેરો હવે તેના પર ડુંગળી, ટામેટાં, કેરી લીલા ધાણા તથા દાડમના દાણા થી પ્લેટને સર્વ કરો.

તો તૈયાર છે આપણી દહીં પૂરી ચાટ તમે તેને ગમે એવી રીતે સર્વ કરીને ખાઈ શકો છો.