ભરેલા રીંગણા બટાકા નું શાક (Bharela Ringan Bataka Shak Recipe In Gujarati)

સૌ પહેલા બટાકા ને બાફી લેવા અને રીંગણાં ને ધોઈ ને તેમાં આડા ઊભા કાપા પાડી લેવા..

ત્યારબાદ એક બાઉલ માં ચણા નો લોટ,ગોળ,લસણ,લાલ મરચું,હળદર,ધાણાજીરૂ,ગરમ મસાલો,મીઠું,આદુ મરચા ની પેસ્ટ, અને 2 ચમચી તેલ નાખી ને બધું સરખી રીતે મિક્સ કરી લેવું.

હવે આ મસાલા ને રીંગણાં ની અંદર સરખી રીતે ભરી લેવો.. અને વધેલો મસાલો રાખી મૂકવો

ત્યાર બાદ એક પેન માં 3 ચમચી તેલ મૂકી ને તેમાં હિંગ નાખી ને આ રીંગણાં ને વઘારવા...હવે તેને સાવ હળવે હાથે હલાવી તેમાં થોડું પાણી નાખી ને પેન નુ ઢાંકણ ઢાંકી દેવું..

થોડી થોડી વારે જોતું રહેવું અને ધીમે ધીમે હલાવતા રહેવું.. રીંગણાં ને સહેજ દબાવી ને ચેક કરી લેવા. જો તે બફાય ગયા હોય તો તેમાં બાફેલા બટાકા નાખી અને તેમાં વધેલો મસાલો મસાલો ઉપર છાંટી ને હલાવ્યા વગર ઢાંકણ ઢાંકી દેવું.. આમ થોડી વાર ચડવા દેવું..