વટાણાને ઉકળતા પાણીમાં મીઠું અને સોડા નાખી ને બાફી લેવા. પનીરના ટુકડા કરી લેવા.

ગ્રેવી માટે એક પેનમાં ઘી તેલ મૂકી તેમાં ડુંગળી,ટામેટા, આદુ, મરચા, લસણ, તજ, લવિંગ, કાજુ ઉમેરી 4-5 મિનિટ માટે સાંતળો. ઠંડુ પડે એટલે મિક્સરમાં પીસી લો.

હવે ફરી પેનમાં ઘી તેલ મૂકી જીરાનો વઘાર કરો. તેમાં પીસેલી ગ્રેવી ઉમેરી ઘી તેલ છૂટું પડે ત્યાં સુધી સાંતળો. હવે તેમાં મીઠું, મરચું, હળદર, ગરમ મસાલો અને ખાંડ ઉમેરી દો. 5 મિનિટ થવા દો.

હવે તેમાં બાફેલા વટાણા અને પનીર ઉમેરો. જરૂર પડે તો થોડું પાણી ઉમેરો. બરાબર ઉકળવા લાગે એટલે ઉપર કોથમીર ભભરાવી સર્વ કરો.