સૌ પ્રથમ એક પેન માં તેલ લઈ તે ગરમ થાય એટલે તેમાં આદુ મરચાં અને ડુંગળી ઉમેરીને સાંતળો ડુંગળીની કચાસ દૂર થાય એટલે તેમાં ટામેટા તેમજ સુકા લાલ મરચા ઉમેરી તેને બરાબર ચડવા દો. ટામેટા થોડા જ ચડે એટલે પાણી ઉમેરી તેને બરાબર cook કરી મિશ્રણને ઠંડુ થવા દો ત્યારબાદ મિક્સરમાં ક્રશ કરી લો.

આજ પેનમાં તેલ અને બટર લઇ જીરું અને હિંગનો વઘાર કરો. ત્યારબાદ તેમાં સમારેલા લીલા મરચાં અને લસણ ઉમેરીને સાંતળો તેમાં ચણાનો લોટ ઉમેરી તેને બરાબર શેકી લો.

હવે તેમાં ક્રશ કરેલી ગ્રેવી ઉમેરી તેને બરાબર કુક કરો. તેમાં ખાંડ તેમજ જરૂર મુજબ મીઠુ ઉમેરી ઢાંકણ ઢાંકી તેલ છૂટું પડે ત્યાં સુધી ચઢવા દો. ત્યારબાદ તેમાં નાના ટુકડામાં કાપેલું પનીર તેમજ બાફેલા વટાણા ઉમેરી મિક્સ કરી ત્રણ મિનિટ માટે ઢાંકીને ચડવા દો. લીલા ધાણા ભભરાવી ગરમાગરમ સર્વ કરો.