गॅसवर एका कढईत तेल टाकून ते गरम झाल्यावर त्यात जीरे मोहरी टाकावी. हिरवी मिरची, कढीपत्ता, आणि कांदा टाकावा. आले लसूण पेस्ट टाकून, चांगले परतून घ्यावे. नंतर त्यात टोमॅटो टाकावे. थोडे सॉफ्ट झाले, की त्यात बटाटा टाकावा. किंचित परतल्यावर त्यात, हळद, तिखट, धणे पूड आणि मसाला टाकावा.

चांगले मिक्स केल्यावर, बारीक केलेल्या वड्या टाकून परतून घ्यावे. वांगे टाकून, नंतर त्यात गरजेनुसार पाणी टाकावे. टोमॅटो सॉस आणि चवीनुसार मीठ घालावे. आणि झाकण ठेवून शिजू द्यावे.

पाहिजे त्या प्रमाणात रस्सा घट्ट झाला, आणि वड्या शिजल्याची खात्री पटली की गॅस बंद करावा. वरून कोथिंबीर टाकावी. गरमागरम वड्या वांग्याची रस्सेदार भाजी, पोळी किंवा भाकरी बरोबर खाण्यासाठी तयार आहे. आमच्या कडे, अशी भाजी असली, की मस्त काला करून जेवण होत, भरपेट. सोबत, कांदा आणि लिंबू असेल, की😋😋😋