वांगी धुवून चिरून घ्यावी आणि पाण्यात टाकून ठेवावी. म्हणजे ती काळी पडत नाही. बटाटा उकडून सोलून, त्याच्या फोडी करून घ्याव्यात. टोमॅटो, कोथिंबीर चिरून घ्यावी. आता एका कढईत तेल टाकून ते गरम करावे. जीरे मोहरी हिंग, कडीपत्ता, कोथिंबीर घालून परतून घ्यावे. आता त्यात हळद घालून मिक्स करून घेतल्यावर त्यात टोमॅटो टाकावे.

झाकण ठेवून, दोन मिनिट शिजवावे. आता त्यात वांगी टाकून मिक्स करावे. तिखट, धणे पूड आणि गोडा मसाला टाकावा.

मिक्स करून त्यात गरजेप्रमाणे गरम पाणी टाकावे. झाकण ठेवून शिजू द्यावे.

आता त्यात बटाट्याच्या फोडी टाकाव्यात. मीठ, गुळ, आणि खोबरे किस टाकून चांगले मिक्स करून घ्यावे. आणि दोन मिनिट झाकण ठेवून वाफ आणावी. आता भाजीत कोथिंबीर टाकावी.

गरमागरम, चमचमीत, कांदा लसूण नसलेली, वांगी बटाट्याची भाजी, गरम पोळी सोबत सर्व्ह करावी.