सुरुवातीला सर्वसामग्री एकत्र ठेवावे. गाजर घेऊन त्याचे उभे काप करून घ्यावे. कांदा उभा चिरून घ्यावा. तांदूळ दोन वेळा स्वच्छ धुऊन घ्यावे आणि पंधरा मिनिटं भिजत ठेवावे. कोथिंबीर बारीक चिरून घ्यावी.

त्यानंतर एका गंजात किंवा पॅनमध्ये तूप टाकावे. तूप गरम झाल्यावर त्यात तेज पान, दालचिनी, विलाईची,जीरे, लाल मिरची टाकावी.

सर्व किंचित परतून घेतल्यानंतर त्यामध्ये कांदा टाकावा. कांदाही मिनिटभर परतून घ्यावा. आता त्यात आले लसूण पेस्ट टाकावी. खोबऱ्याचे काप टाकावेत.

चांगले परतून घेतल्यानंतर आता त्यात गाजर आणि मटार घालावे. मिक्स करावे आणि झाकण ठेवून दोन मिनिट शिजू द्यावे. त्यानंतर त्यात हळद आणि धने पूड घालावी.

पुन्हा एकदा चांगले मिक्स केल्यानंतर त्यात भिजलेले, निथळलेले तांदूळ घालावे. आणि दोन मिनिट छान परतून घ्यावे.

आता त्यात गरम केलेले पाणी टाकावे. चवीनुसार मीठ टाकावे.

मॅगी मॅजिक मसाला टाकून चांगले ढवळून घ्यावे. कोथिंबीर टाकावी.

आणि झाकण ठेवून तीन ते चार मिनिट शिजवावे. झाकण काढून एकदा तांदूळ कितपत शिजले ते बघून घ्यावेत.

आवश्यकता असेल तर आणखी पाणी घालावे. अन्यथा झाकण ठेवून आणखी थोडावेळ शिजू द्यावेत.

चमचा मध्ये भात घेऊन भात शिजल्याची खात्री करावी. गॅस बंद करावा. आता वरून थोडी कोथिंबीर टाकावी.

आता हा चविष्ट मटार गाजर मसाले भात, मठ्ठा किंवा कढी किंवा दह्यासोबत आणि सॅलड सोबत सर्व्ह करावा.