સૌ પ્રથમ દુધીને ધોઈ, ઉપરથી છાલ કાઢી, છીણી લેવી. ગેસ મધ્યમ આંચ પર ચાલુ કરી, તેના પર મોટી તાવડીમાં ઘી ઉમેરવું. ઘી ગરમ થાય એટલે તેમાં છીણેલી દુધી નાંખી તેને પકવવી.

એક વાડકામાં ૧ કપ દુધ લઈ તેમાં માવાને મીક્ષ કરી લેવો. દુધી સરસ ચડી જાય એટલે તેમાં માવાનું મિશ્રણ નાંખી સતત હલાવી મીક્ષ કરવું. વધારાનું દુધ પણ ઉમેરી દેવું.

૨ મીનીટ હલાવ્યા બાદ તેમાં કાજુ, બદામ દ્રાક્ષ તથા ઇલાયચીનો પાઉડર ઉમેરવા. સતત હલાવ્યા કરવું. (નીચે ચોંટે નહિ તેનું ખાસ ધ્યાન રાખવું.)

હવે તેમાં ખાંડ ઉમેરી ૧ મીનીટ હલાવતા રહેવું. (અહીં તમારા સ્વાદ મુજબ ગળપણ ચેક કરી લેવું.) ત્યારબાદ ગેસ બંધ કરી દેવો.

હવે ગ્રીસ કરેલ થાળી કે ડીશમાં કાઢી લેવો. વાટકી નીચે સહેજ ઘી લગાવી બરાબર પાથરી દેવો. તેના પર પિસ્તાની કતરણથી સમજાવવું.

થોડું ઠંડું થાય એટલે ચપ્પાથી કાપા પાડી દેવા. આપણો એકદમ યમ્મી પર્ફેક્ટ દુધીનો હલવો તૈયાર છે. (મેં આમાં મલાઈમાંથી ઘી બનાવતા જે માવો વધે તેનો ઉપયોગ કર્યો છે)