સૌપ્રથમ પકોડા માટે આપણે ખીરું તૈયાર કરીશું
ખીરું બનાવવા માટે એક વાસણમાં કાપેલા બટાકા,ડુંગળી,પાલક લઈને તેમાં ચણાનો લોટ ઉમેરીશું હવે તેમાં મીઠું,લાલ મરચું,હળદર,આખા ધાણા અને લીલા મરચા ઉમેરીશું ત્યાર બાદ તેમાં જરૂર મુજબ પાણી ઉમેરીને પકોડા ઉતરે તેવું ખીરું તૈયાર કરીશું અને છેલ્લે બેકિંગ પાઉડર ઉમેરી સરખું હલાવી લઈને ગરમ તેલમાં પકોડા ઉતારી લઇશું.

હવે કઢીબનાવવા માટે છાશમા ચણાનો લોટ અને મીઠું ઉમેરીને મિક્સ કરો.ત્યારબાદ વઘાર માટે તેલ,ખડા મસાલા,જીરું, સૂકું લાલ મરચું,લીમડો, આદુ-મરચાની પેસ્ટ, કાપેલા ડુંગળી-ટામેટા, હળદર,લાલ મરચું,ધાણાજીરું નાખીને તેલ છુટું પડે ત્યાં સુધી ને સાંતળી લો.
મસાલો સંતળાઇ એટલે તેમાં બનાવેલી છાશ અને ચણાના લોટનું મિશ્રણ ઉમેરીશુ. હવે તેને ધીમા તાપે એક ઉભરો આવે ત્યાં સુધી ઉકાળી લો.
કઢી બરાબર ઉકળી જાય એટલે ગરમ મસાલો,કસુરી મેથી અને લીલા ધાણા ઉમેરીશું,ત્યારબાદ તેમાં બનાવેલા પકોડા ઉમેરી અને કઢી ને બે મિનિટ ઉકળી લો.

હવે ઉપર બતાવેલા માપ પ્રમાણે આપણે મસાલો બનાવી લઈશું.છેલ્લે પીરસતી વખતેપકોડા કઢી ઉપર ગરમ તેલ અને કાશ્મીરી લાલ મરચાંનો વઘાર કરીશું

હવે કઢી ને આપણે બાસમતી ચાવલ સાથે સર્વ કરીશું.
બાસમતી ચાવલ બનાવવા માટે બાસમતી ચોખા ને ખુલ્લા વાસણમાં મીઠું અને હળદર નાખીને બાફી લો