સૌ પ્રથમ ૨ કપ સૂકા વટાણા ને પાણી મા ૫-૬ કલાક સુધી પલાળી રાખવા. ત્યારબાદ તેને કૂકર માં ૫ સીટી એ બાફી લેવા.

હવે એક કઢાઈ માં ૧ ચમચો તેલ ગરમ કરવા મૂકો, તેમા ૧/૨ ચમચી જીરુ, ૨ લીલા મરચાં સમારેલા, ચપટી હીંગ નાખી ૧/૨ કપ સમારેલા ટામેટાં નાખવા.

હવે તેમા મસાલા ઉમેરવા, ૨ ચમચી લાલ મરચું, ૧/૨ ચમચી હળદર, ૨ ચમચી ધાણાજીરું, ૧ ચમચી ગરમ મસાલો, મીઠું સ્વાદ મુજબ ઉમેરી હલાવવું.

હવે તેમા બાફેલા વટાણા અને ૧ કપ બાફેલા બટાકા ઝીણા સમારી ને નાખો, બરાબર હલાવવું, ત્યારબાદ તેમાં ૨ કપ પાણી નાખીને થોડી વાર ધીમા તાપે રહેવા દો.

ઉસળ ને ગાર્નીસ કરીશું, થોડી સમારેલી ડુંગળી, થોડા સમારેલા ટામેટાં, ગળી ચટણી, લીલી (તીખી) ચટણી, કોથમીર અને ઉપર થી થોડી ઝીણી સેવ અથવા ઝીણા ગાંઠીયા નાખવા. આપણું સ્વાદિષ્ટ સેવ ઉસળ તૈયાર છે પીરસવા માટે.