સૌપ્રથમ મગ અને મઠ ને સાફ કરીને ૩ થી ૪ કલાક માટે પલાળી રાખો. મગ અને મઠ સરસ રીતે પલળી ગયા બાદ બધું પાણી નિતારી એક સ્વચ્છ કોટન કપડાં માં બાંધીને એક વાસણમાં ઉપર કાણાં વાળી ડીસ ઢાંકીને છ થી સાત કલાક માટે મૂકી દો. તમે જોઇ શકશો કે છ-સાત કલાક પછી મગ અને મઠ સરસ રીતે સ્પ્રાઉટ થઈ ગયા છે.

હવે કુકરમાં ટમેટા, સમારેલું બટેટુ ધોઈ ને થોડું પાણી એડ કરી બાફી લો ત્યારબાદ ગરણી વડે ગાળી એક પેનમાં ગરમ કરવા મૂકો સાથે તેમાં ફણગાવેલા મગ અને મઠ, મીઠું સ્વાદ પ્રમાણે, સંચર પાવડર, ખાંડ,મરી પાવડર, લાલ મરચું પાવડર, લસણ અને આદુની પેસ્ટ ઉમેરીને પાંચ મિનિટ માટે ઉકાળો જેથી મગ અને મઠ થોડા સોફ્ટ થઈ જશે અને બધા મસાલા એકબીજામાં ભળી જશે.

હવે જ્યારે સૂપ સરસ ઉકળી ને થીક થઈ જાય ત્યાર પછી વઘારીયા માં થોડું ઘી લઇ બીપી ગરમ કરી તેમાં જીરું નો વઘાર કરી સુપ ઉપર રેડી દો. તૈયાર છે આપણો ગરમાગરમ સૂપ જેને તમે ઘીમાં સેકેલા પનીર બાઇટ્સ અથવા તો કોઈ પણ નાસ્તા સાથે સર્વ કરી શકો છો.