સાંભર બનાવવાની રીત::::. તુવેરના દાણાને થોડા નવશેકા પાણીમાં પલાળો અને ૮-10 કલાક પલાળી રાખો ત્યારબાદ તેને સારી રીતે બાફી લો. દાણા બફાઈ જાય પછી તેને મિક્સરમાં અથવા હેન્ડ મિક્સર થી ગ્રાઈન્ડ કરી લો પેસ્ટ બનાવી લો હવે તેમાંથી આપણે સાંભર બનાવીશું આ પેસ્ટમાં બે ગ્લાસ જેટલું પાણી ઉમેરી ઉકળવા મૂકો. પેનમાં તેલ નાખો તેમાં રાઇ,જીરું, મીઠો લીમડો નાખી એક મિનીટ સાંતળો પછી તેમાં ડુંગળી નાખો અને રીંગણ અને શિમલા મરચું નાખો ત્રણે શાકભાજીને બે મિનિટ માટે સાંતળો.

હવે તેમાં મીઠું હળદર લાલ મરચું પાઉડર અને ટામેટા નાખી બે મિનિટ સાંતળો. ત્યારબાદ તેમાં 2 ચમચી સાંભાર મસાલો ઉમેરો. પછી તેને ધીમા તાપે પાંચ મિનિટ ચડવા દો. હવે આ વઘારમાં ઉકડેલી દાળ નાખી દો. અને ખટાસ માટે ત્રણ કોકમના ફુલ ઉમેરો. ખટાશ માટે તમે કોઈપણ વસ્તુનો ઉપયોગ કરી શકો છો. તેને દસ મિનિટ માટે ધીમા તાપે ઉકાળો. તમને દાળ ઘટ્ટ લાગતી હોય તો તમે થોડું પાણી ઉમેરી શકો છો. દાળ ને નીચે ઉતારતી વખતે તેમાં ઉપરથી લીલા ધાણા નાખો. તૈયાર છે આપણી કઠોળ સાંભર. આ સાંભર સ્વાદમાં ખૂબ જ ટેસ્ટી લાગે છે

મેદુ વડા બનાવવાની રીત::::. સૌપ્રથમ મગને 10 કલાક પલાળી રાખો. 10 કલાક પછી મગ માંથી પાણી કાઢી તેને પાણી વગર મિક્સરમાં દળી લેવું. થોડું પાણી ઉમેરી ફરીથી દળવું. તેના વડા તળી શકાય એવું બેટર તૈયાર કરવું. તેમાં ૨ ટેબલસ્પૂન બેસન, આદુ-મરચાની પેસ્ટ અને એક ચમચી જીરૂ અને સ્વાદ મુજબ મીઠું ઉમેરી મેદુ વડાનો બેટર તૈયાર કરવું. હવે તેમાં એક ટીસ્પૂન સોડા ઉમેરી બરાબર હલાવી અને મિક્સ કરવું. હવે બેટર ને મેદુવડા ના સંચામાં ભરી ગરમ તેલમાં વડા તળી લેવા. બધા વડા એ જ રીતે તળી લેવા

કઠોળનું સલાડ બનાવવાની રીત::: એક વાટકી ફણગાવેલા મગ એક વાટકી ફણગાવેલા મઠ અને એક વાટકી ફણગાવેલા ચણા લો. હવે એક કડાઈમાં બે ચમચી તેલ ગરમ કરવા મુકો. ત્યારબાદ તેમાં એક ચમચી અજમો, એક ચમચી જીરુ અને ૨ લીલા મરચા, અને મીઠો લીમડો નાખો નાખો ત્યારબાદ તેમાં મીઠું હળદર અને લાલ મરચું પાવડર નાખીને અડધી મિનિટ સાંતળો પછી તેમાં આવેલા કઠોળ નાખી દો અને બરોબર હલાવીને મિક્સ કરો અડધી વાટકી પાણી નાખી ઢાકણ લગાવી પાણી બળી જાય ત્યાં સુધી
એટલે કે પાંચથી સાત મિનિટ સુધી ધીમા તાપે ચડવા દો.

હવે આ મિશ્રણને ઠંડુ થવા દો. જ્યારે કઠોળ ઠંડુ પડી જાય પછી તેમાં ઝીણું સમારેલું ડુંગળી, સિમલા મરચું, ટામેટુ ગાજર અને લીલા ધાણા ઉમેરો અને પછી ચાટ મસાલો ઉમેરી બરાબર મિક્સ કરી લો તૈયાર છે આપણો કઠોળ સલાડ.

કઠોળ નુ રાયતુ બનાવવાની રીત::::. એક વાટકી દહીં મા અડધી ચમચી મીઠું અડધી ચમચી જીરૂ પાઉડર અડધી ચમચી લાલ મરચું પાઉડર ઉમેરી બરોબર હલાવી લેવું હવે તેમાં ફણગાવેલા મગ અને મઠ, ડુંગળી,લીલા ધાણા ઉમેરી બરોબર મિક્સ કરી લેવું. જરૂર લાગે તો બે ચમચી પાણી નાખી બરોબર હલાવી લેવું ઉપરથી લીલા ધાણા નાખી સર્વ કરવું આપણું કઠોળ રાયતુ.

નાળિયેરની ચટણી બનાવવાની રીત:::. એક શ્રીફળ લઇ તેના નાના ટુકડા કરી લેવા અને પછી મિક્સરમાં નાખી એક વાટકી દહીં, એક ચમચી મીઠું અડધી વાટકી પાણી 2 લીલા મરચાં અને 25 ગ્રામ જેટલા લીલા ધાણા ઉમેરીને મિક્સરમાં ચટણી ગ્રાઈન્ડ કરી લેવી. પછી એક બાઉલમાં કાઢી લો. હવે એક વધારે આમાં એક ચમચી તેલ ગરમ કરવા મુકો પછી તેમાં અડધી ચમચી રાઈ અને પાંચ-સાત મીઠા લીમડાના પાન નાખી ચટણી ઉપર વઘાર કરો. હવે આ બધું સર્વ કરો.