ચોખા,દાળ, મેથી ને ૬ કલાક પલાળી પીસી ને આથો આવી જાય એટલે ઉત્તપમ નું ખીરું તૈયાર.

ટામેટા ને બરાબર ધોઈ લો અને નીચે ની બાજુ ચાર કાપા પાડો.હવે એક તપેલી માં પાણી ગરમ કરો અને તેમાં ટામેટા ઉમેરો.ટામેટા ૨-૩ મિનિટ સુધી ચડવા દો
હવે ટામેટા ને ગરમ પાણી માંથી કાઢી લો અને ઠંડા પાણી માં નાખો.ટામેટા માંથી ઠંડુ પાણી કાઢી લો અને બધા ટામેટા ની છાલ ઉતારી લો.મિક્ષર જાર માં બધા ટામેટા લઇ તેને બરાબર એક રસ થાય ત્યાં સુધી પીસી લો
હવે આ પીસેલા ટામેટા ને ગાળી લો જેથી બધા બીયા નીકળી જાય.એક કડાઈ માં તેલ ગરમ કરો અને તેમાં લસણ ઉમેરો.લસણ શેકાય જાય એટલે તેમાં ટામેટાની પ્યુરી નાખી દો અને ૫ મિનિટ ઉકળવા દો.

પછી તેમાં ખાંડ, મીઠું, ઓરેગાનો, મરી નો પાઉડર મિક્ષ કરો અને ૨-૩ મિનિટ સુધી ઉકળવા દો.હવે તેમાં તુલસી ના પાંદડા મિક્ષ કરો અને ગેસ બંધ કરી દો.તો તૈયાર છે પિઝા સોસ.

સૌ પ્રથમ ખીરા માં મીઠું, ઓરેગાનો અને ચીલી ફ્લેક્સ ઉમેરી ઉત્તપમ ઉતારો.હવે તેના પર પિઝા સોસ લગાવો, કેપ્સીકમ અને ડુંગળી ની સ્લાઈસ મુકો.ઉપર ચીઝ ખમનો.પેન પર પિઝા મુકો ને ૨ મિનિટ માટે બેક કરી લો. પિઝા ઉત્તપમ તૈયાર.