લીલા નાળિયેર ની પેસ્ટ બનાવો.તેમાં દરિયાની દાળ નો પાવડર, સ્વાદ અનુસાર મીઠું અને થોડું દહીં નાખી ચટણી બનાવી લો. ઉપર અડદ ની દાળ, રાઈ અને લીમડાનો વઘાર કરો. તૈયાર છે ચટણી.લાલ મરચાની ચટણી માટે કડાઈમાં તેલ લઈ તેમાં લીમડો, આખું લાલ મરચું,૬હીંગનો વઘાર કરો ત્યારબાદ તેમાં આખી લસણની કળી સાતળો. તેના બાદ ડુંગળી સાંતળી લો. ત્યારબાદ તેમાં ટામેટા સાંતળી લો. ડુંગળી ટામેટા બંને અધકચરા સાતળવા ના છે. ઠંડુ થવા દો ત્યાર બાદ તેમા મીઠું અને જરૂર લાગે તો લાલ મરચાનો પાવડર દરિયા ની દાળ અને લીલું નાળિયેર નાખી ચટણી બનાવી લો.

સાંભાળ બનાવવા માટે તુવેરની દાળને બાફી લો હવે એક કડાઈમાં તેલ લઈ રા઼ઈ, લીમડો, હિંગ,લીલા મરચાનો વઘાર કરો તેમાં ડુંગળી, ટમેટા અને આદુ-લસણની પેસ્ટ સાતરો. ત્યારબાદ મનગમતા શાકભાજી જેમકે દુધી,કોળુ,માંડવી ના દાણા, સરગવો નાખો. ત્યાર બાદ તેમાં બાફેલી દાળ નાખી. મીઠું, હળદર, લાલ મરચું પાવડર,સાંભાળ મસાલો, લીંબુ અથવા આમલીનો પલ્પ નાખી સાંભાળ ઉકળવા દો. કોથમરી અને લીલું નાળિયેર નાખી ગેસ બંધ કરી દો તો તૈયાર છે સાંભાળ.