સૌપ્રથમ ગાજર ને છોલીને છીણી લો. હવે એક મોટી કઢાઈ માં ઘી ગરમ કરવા મૂકો. ઘી ગરમ થાય એટલે તેમાં છીણેલું ગાજર ઉમેરીને બરાબર સાંતળો. ગાજર ને ઘીમી ગૅસ પર ૧૦ થી ૧૨ મિનિટ સુધી સાંતળો. થોડી થોડી વારમાં ચમચા થી હલાવતા રહેવું.

હવે તેમાં દૂધ અને ખાંડ ઉમેરીને બધું મિક્સ કરો અને ફૂલ ગૅસ પર ૧૦ થી ૧૫ મિનિટ સુધી પકાવો. ચમચા થી સતત હલાવતા રહેવું જેથી દૂધ કઢાઈ માં નીચે અને કિનારા પર ચોંટે નહીં. દૂધ અર્ધા થી પણ ઓછું થાય ત્યારે ગૅસ ધીમો કરી લો અને ચમચા થી સતત હલાવતા રહો. દૂધ જ્યારે ૯૦ ટકા જેટલું ઓછું થઈ જાય ત્યારે તેમાં કિશમિશ, બદામ ની કતરણ, કાજુ ના ટુકડા, પિસ્તા ની કતરણ, એલચી પાઉડર અને જાયફળ પાઉડર ઉમેરીને બધું બરાબર મિક્સ કરી લો.

આખ્ખું દૂધ સુકાઈ જાય ત્યાં સુધી ધીમી ગૅસ પર પકાવો. ગૅસ બંધ કરી દો. ગાજર નો હલવો તૈયાર છે. ૪ થી ૫ ગુલાબ જાંબુ બાજુ માં રાખી ને બાકી ના ગુલાબ જાંબુ ગાજર ના હલવા માં મિક્સ કરી લો.

હવે ૨ શોટ્સ ગ્લાસ લો. ગુલાબ જાંબુ વારો ગા‌જર હલવા ને માઇક્રોવેવ માં ૧ મિનિટ માટે ગરમ કરી લો અને ગ્લાસ માં ૩/૪ ભરી લો. ત્યાર બાદ તેના પર એક સ્કૂપ વેનિલા આઈસ્ક્રીમ મૂકો. હવે એક નાનો ગુલાબ જાંબુ આઈસ્ક્રીમ પર મૂકીને બદામ પિસ્તા ની કતરણ થી સજાવીને સર્વ કરો.