સૌપ્રથમ એક વાડકી ચણાનો લો. તેમાં પાણી ઉમેરીને આખી રાત પલાળી ને રાખો. પછી એક કૂકરમાં મીઠું નાખીને ચણાને પાંચ સીટી વગાડીને બાફી લો.

ત્યાર પછી ડુંગળી ટામેટા અને કાકડીને એક ડીશમાં લો. પછી ડુંગળીને છોલીને તેની છાલ ઉતારી લો. કાકડી ને પણ છોલી ને તેની છાલ ઉતારી લો. પછી ડુંગળી, ટામેટા અને કાકડીને ઝીણા સમારી લો.

હવે બધું બરોબર મિક્સ કરી લો. પછી તેમાં લીંબુનો રસ અને ચાટ મસાલો ઉમેરો.

પછી તેમાં ઝીણી સમારેલી કોથમીર ઉમેરીને બરાબર મિક્સ કરી લો.

હવે કુકર ઠંડુ પડે એટલે ચણાને કાઢીને કાણાવાળા વાડકામાં મૂકો. પછી ચણા થોડા ઠંડા થાય એટલે સમારેલા સલાડમાં ઉમેરો અને મિક્સ કરી લો. પછી એક સર્વિંગ પ્લેટમાં લઈને સર્વ કરો..