સૌ પ્રથમ ચણા નો લોટ લય ચાડી લો. હવે એમાં તેલ, મીઠું, હિંગ, ફૂકિગ સોડા નાખી બરાબર મિક્સ કરી લો. હવે ધીમે ધીમે પાણી ઉમેરતા જાઓ લોટ રોટલી કરતા પોચો બાંધો.

હવે મરી પાવડર અને અજમો નાખી તેલ પાણી વાળા હાથ કરી બરાબર મસળી ને લોટ થાળી થી અલગ થવા લાગે અને હાથ પર ચોટતો બંધ થઇ જાય ત્યાં સુધી હાથ થી મસળી લો. વચ્ચે વચ્ચે ચમચી વડે હાથ પરથી અને થાળી માંથી લોટ ફેડતા જવું. કેમ કે ચણાનો લોટ ખુબજ ચીકણો હોય ખૂબ ચિપકે છે. હવે લોટ નો કલર પણ થોડો બદલાઈ જસે અને એક લુવો બનવા લાગે એટલે ફરી તેલ વાળા હાથ કરી બરાબર મસળી લુવો બનાવી દો. અને નાના નાના લુવા પાડી દો.

હવે એ લુવા ને લાકડા ના આખરીયા પર લય હાથ વડે હળવે થી દબાવી ને નીચે થી ઉપર સુધી ખેંચી ને પટ્ટી બનાવી દો.

હવે એક બાજુ કઢાઈ માં તેલ ગરમ કરવા મૂકી જ દેવું. હવે ચપ્પુ વડે પટ્ટી ઉખેડી ને ગરમ તેલ માં તળી લો. વારા ફરતી બધા ફાફડા એજ રીતે તળી લેવા.

હવે ચણા ના લોટ ની કઢી (ચટણી) અને તળેલા મરચા, કાંદા સાથે સર્વ કરો. ખૂબ જ ટેસ્ટી અને સોફ્ટ ફાફડા થશે. ઉપર તમે હિંગ અને મરી નો મસાલો પણ ભભરાવી સકો.