સૌપ્રથમ રીંગણ, બટાકા, ડુંગળી અને પરવળ ને ધોઈ કોરા કરી લો.બટાકા અને ડુંગળી ને છોલી લો.હવે વચ્ચે કાપા પાડી દો.

મસાલો તૈયાર કરવા માટે એક થાળીમાં ચણાનો લોટ લઈ તેમાં ઉપર જણાવેલ બધા સુકાં મસાલા ઉમેરો.આદુ મરચાં અને લસણ ની પેસ્ટ,તેલ, ખાંડ, લીલા ધાણા નાખી બરાબર મિક્સ કરો અને મસાલો તૈયાર કરી લો.

હવે આ મસાલો રીંગણ, બટાકા ડુંગળી માં ભરી લો.હવેએટ પેન માં તેલ ગરમ કરો તેમાં હીંગ ચપટી નાખી ભરેલું શાક નાખી ઢાંકી ને ધીમે ધીમે ચડવા દો.વચ્ચે હલાવી લેવું.બરાબર ચડી જાય પછી તેમાં થોડો મસાલો ભભરાવી ઢાંકી દો.

શાક તૈયાર છે.લોટ બાંધી લો અને રોટલી વણી ને તૈયાર કરી લો.

છાશ અને કેરી નો છુંદો પણ તૈયાર કરી લો.

તો તૈયાર છે આપણું ભરેલું કકરું શાક રોટલી, છાશ અને કેરી ડુંગળી નો છુંદો.. ગરમ ગરમ મજા લો.