સૌ પ્રથમ મસાલો બનાવવા માટે મમરા નો ભૂકો,સિંગદાણાનો ભૂકો, ચણાનો લોટ, લાલ મરચાનો પાવડર, હળદર, ધાણાજીરું, ખાંડ, ગરમ મસાલો, કોથમરી અને તે બધું મિક્સ કરી મસાલો બનાવી લો.

હવે આ મસાલો ડુંગળી,બટેટા, મરચા, અને રીંગણાં માં ભરી દો. બે-ત્રણ ચમચી મસાલો રાખી દો હવે એક કડાઈમાં તેલ લઇ તેમાં હિંગનો વઘાર કરી ખમણેલા ટમેટાં નાખો. ટમેટા સોતરાય ગયા બાદ પહેલા બટેટા નાખી બટેટા થોડા ચડી જાય ત્યારબાદ બાકીના શાકભાજી નાખો. બે મિનીટ તેને સાતળો. ત્યારબાદ વધેલો મસાલો નાખી સાતળો. બાદ તેમાં પાણી નાખી. કડાઈ ઉપર થાળી મૂકી અને ઓજ માટે પાણી નાખો. ધીમા તાપે પંદર થી વીસ મિનિટ માટે ચડવા દો. પાણીની વધારે જરૂર લાગે તો ઓજ માં મૂકેલું ગરમ પાણી નાખો અને બીજું પાણી પાછું ઓજ માટે મૂકો.

તેલ છૂટું પડે અને શાક સરસ ચડી જય ત્યારબાદ ગેસ બંધ કરો. શાક ને કોથમરી થી ગાર્નિશિંગ કરો. અને શાકને બાજરીનો રોટલો, ગોળ-ધી અને હળદર સાથે સવॅ કરો.