એક પ્લેટમાં બ્રેડ લઇ તેના ટુકડા કરી લો

હવે તેમાં ૩ ચમચી દળેલી સાકર અને બેથી ત્રણ ચમચી દૂધ ઉમેરી બ્રેડ ને મસળી ને તેનો લોટ બાંધો

હવે બ્રેડ એકદમ સ્મૂથ થઈ જાય અને લોટ જેવું ટેકસચર મળી જાય ત્યાં સુધી તેને મસળો જરૂર પડે તો બીજી એકાદ ચમચી દૂધ ઉમેરવું અને લોટ બાંધી લો લોટ એકદમ સ્મૂથ અને થોડો ઢીલો રાખવો

હવે તેનો રોલ કરી તેને 10 મિનિટ રેસટ આપો

હવે એક તપેલીમાં એક વાટકી દૂધ અને અડધી વાટકી સાકર ઉમેરી ચાસણી તૈયાર કરવા ગેસ પર મૂકોબધી સાકર ઓગળી જાય અને એક કે બે ઉભરા આવે ત્યાં સુધી ચાસણી કરો ચાસણી થઈ જાય એટલે તેમાં ત્રણ ચાર તાંતણા કેસર ઉમેરી દો

હવે દસ મિનિટ પછી બ્રેડનો બાંધેલો લોટ લો હવે તેના નાના નાના લૂઆ પાડો અને ગોળા વાળીલો

હવે ચાસણી નો ગેસ ચાલુ કરો અને ધીમા તાપે એક ઊભરો આવવા દો ઉભરો આવે એટલે તૈયાર કરેલા ગોળા ચાસણીમાં ઉમેરી દો અને આઠથી દસ મિનિટ થવા દો ધીમા તાપે

તૈયાર છે બ્રેડના રસગુલ્લા હવે થોડીવાર રૂમ ટેમ્પરેચર પર આવે રસગુલા એટલે તેને ફ્રીઝમાં ઠંડા કરવા મૂકી દો