સૌ પ્રથમ ઘઉં ના લોટ માં 2 ચમચી જેટલું તેલ નું મોણ અને સ્વાદ મુજબ મીઠુ નાખીને પાણી નાખી લોટ બાંધી લેવો.આ લોટ રોટલી કરતા થોડો કઠણ રાખવો. ત્યાર બાદ તેમાં થી એક લુવો લઇ રોટલી કરતા થોડી જાડી વણી ને નોનસ્ટિક તવી માં રોટલી ને એક બાજુ શેકી લેવી.બીજી બાજુ રોટલી ને સેકવાની નહીં.આ રીતે બધી રોટલી તૈયાર કરવી.

એક પેન માં બટર લઈ તેમાં લસણ ની પેસ્ટ નાખી થોડું મીઠું નાખી ને ગેસ પર બટર મેલ્ટ થાય ત્યાં સુધી મિક્સ કરી લેવું.આ રીતે ગાર્લિક બટર તૈયાર થશે.

ડુંગળી અને યેલો કેપ્સીકમ ને ઝીણા સમારી લેવા. તેમાં કોથમીર નાખી બરાબર મિક્સ કરી લેવું.

ત્યાર બાદ આપણે જે બાજુ રોટલી શેકી છે તે બાજુ રોટી ઉપર ગાર્લિક બટર લગાવી દેવું તેના ઉપર ડુંગળી અને કેપ્સીકમ નું મિશ્રણ પાથરી દેવું.તેના ઉપર ચીલી ફ્લેક્સ અને ઓરેગાનો છાંટી દેવા.અને છેલ્લે સૌથી ઉપર ચીઝ સ્પ્રેડ એક ચમચી જેટલું મૂકીને તૈયાર કરવું.ગેસ ચાલુ કરી નોનસ્ટિક તવી ગરમ કરી તેના ઉપર થોડું બટર અથવા ઘી મૂકી તૈયાર કરેલ રોટી મૂકવી.

રોટી ને નોનસ્ટિક તવી માં મૂક્યા બાદ તેને ઢાંકણ થી ઢાંકી દેવું અને 2-3 મીનીટ સુધી ક્રિસ્પી થાય અને ચીઝ મેલ્ટ થાય ત્યાં સુધી શેકવા દેવી. ત્યાર બાદ ગેસ બંધ કરી રોટી ને પ્લેટ મા લઇ તેને કટ કરી લેવી.ત્યાર બાદ સર્વિંગ પ્લેટ માં ગોઠવી ને ટોમેટો સોસ સાથે સર્વ કરવી.તો રેડી છે યમ્મી અને ક્રિસ્પી એવી ચીઝી ગાર્લિક રોટી.