સૌપ્રથમ એક બાઉલમાં દહીં નાખો. ત્યારબાદ તેમાં દળેલી ખાંડ અને મેંદો ઉમેરો બધુ વ્યવસ્થિત બીટ કર્યા પછી તેમાં વેનિલા એસેન્સ, બેકિંગ પાઉડર, બેકિંગ સોડા બે ચમચી તેલ ઉમેરો. બધુ વ્યવસ્થિત મિક્સ થઈ ગયા પછી બેક થવા મૂકો.

કૂકરમાં બે કરતી વખતે તેમાંથી રીંગ અને સીટી કાઢી લેવી. તળિયે મીઠું નાખી દસ મિનિટ પ્રિહિટ કરી લેવું. ત્યારબાદ જે વાસણમાં બેક કરવા મૂકવાની છે, તે પહેલાથી જ ગ્રીસ કરી લેવું.૪૦ થી ૪૫ મિનિટ બાદ ટૂથપીક ની મદદથી ચેક કરી લેવું.તૈયાર છે આપણી વેનીલા કેક....

ખાંડ સીરપ બનાવવા માટે ફક્ત ખાંડ ડૂબે તેટલું જ પાણી લેવું અને ચાસણી લેવાની નથી,ફક્ત ખાંડને ઓગળવાની જ છે. વેનીલા કેક રેડી છે તેના બે ભાગ કરી બન્ને ભાગ પર ખાંડ સીરપ લગાવવું જેનાથી તે સોફ્ટ રહે છે ખાંડ સીરપ સાથે મે અહીં ડેરી મિલ્ક મેલટ કરીને લીધી છે. ડેરીમિલ્ક ના ટુકડા કરી તેમાં ૨ ચમચી ગરમ દૂધ ઉમેરી મેલટ કરવી.જે બે ભાગ કરેલા છે તેના પર મેલટ કરેલ ચોકલેટ પણ લગાવી.

ચોકલેટ ગનાચે બનાવવા માટે એક તપેલીમાં ૨૫ ગ્રામ જેટલું બટર લેવું. તે ઓગળી જાય પછી તેમાં દળેલી ખાંડ, કોકો પાઉડર અને એક ચમચી જેટલી કોફી ઉમેરો.બધું બરાબર મિક્સ થઇ જાય પછી તરત જ ઉતારી લેવું.

ત્યારબાદ જે ગનાચે રેડી છે તે રેડી દેવું ઉપર મેં થોડી દળેલી ખાંડ sprinkle કરેલી છે પુરા રાઉન્ડ પર છૂટી છૂટી જેમ્સ મૂકી ડેકોરેશન કરો. મેં અહીં વેફર બિસ્કીટ અને જેમ્સ થી ડેકોરેટ કરેલ છે. તમે તમારી પસંદગી પ્રમાણે કંઈ પણ લઈ શકો છો.બનાવવામાં ખૂબ જ ઇઝી છે અને ટેસ્ટમાં પણ ખૂબ સારી લાગે છે.તમે પણ જરૂર થી ટ્રાય કરજો.