સૌપ્રથમ એક બાઉલમાં મેંદો લઈ તેમાં ચીલી ફ્લેક્સ, ઓરેગાનો, મીઠું અને મરી પાઉડર ઉમેરીને બરાબર મિક્ષ કરી પરાઠા ની જેમ લોટ બાંધી લો. અને તેલ નું મણ નાખી મસળી લો. તેમાં થી લૂઆ કરી લેવા.

હવે એક કડાઈમાં ૨-૩ ગ્લાસ જેટલું પાણી લઈ ગરમ થાય એટલે મેગી નૂડલ્સ ઉમેરી તેમાં તેલ નાખી દેવું જેથી કરીને નૂડલ્સ છૂટી બફાઈ. બફાઈ જાય એટલે એક જાળી વાળી ટોપલી માં નીતારી લેવી‌ અને ઠંડા પાણીથી ધોઈ નાખો પાછું ૧ ચમચી તેલ ઉમેરી દેવું જેથી કરીને ઠરેલી નૂડલ્સ છૂટી રહે. હવે એક કડાઈમાં તેલ લઇ તેમાં મરચા, ડુંગળી અને કોબીજ ઉમેરી ને સાંતળો. પછી એક વાટકી માં સોયા સોસ, મેગી મસાલો અને વિનેગર લઈ બધું મિક્સ કરી લો.

વેજ. સાંતળાય જાય એટલે તેમાં એ પેસ્ટ, ટોમેટો કેચઅપ અને મીઠું ઉમેરી ચલાવી લો. અને હા એક વાત નું ધ્યાન રહે નૂડલ્સ હંમેશા પહોળા ચમચા વડે ચલાવવું એટલે તે તૂટી ન જાય. હવે એક લુઓ ‌લઈ પરાઠા ની જેમ વણી લો અને અતકચરા શેકી લો. પછી તેને એક પ્લેટમાં કાઢી તેના પર ટોમેટો કેચઅપ અને ચીઝ સ્પ્રેડ લગાવી ને સ્ટફિંગ મૂકો અને ફોલ્ડ કરી ને ૧-૨ મીનીટ માટે શેકો.તો લો તૈયાર છે મનચાઉ મેગી નૂડલ્સ ફ્રેન્કી. આમાં તમે બીજા વેજ.પણ એડ કરી શકો છો.