સૌ પ્રથમ ફ્રેન્કી માટે મેંદો, ઘઉં નો લોટ બાઉલ મા લઇ તેમાં તેલ અને મીઠું ઉમેરી ને રોટલી નો લોટ બાંધી ને 10 મિનિટ માટે સાઈડમાં રાખી દો.

હવે કોબીજ,ગાજર અને કેપ્સીકમ ને લાંબી ચીરી ની રીતે સમારી લો.આદુ,લસણ,અને મરચા ની પેસ્ટ બનાવી લો.

એક પેન મા ધીમા ગેસ પર પાણી ગરમ કરવા મૂકો. પાણી માં 1 ચમચી તેલ ઉમેરી ને તેમાં નૂડલ્સ ઉમેરીને બાફી લો. બાફેલા નૂડલ્સ ને સ્ટેનર માં કાઢી તેમાં ઠંડુ પાણી ઉમેરી ને નૂડલ્સ ને ઠંડા થવા માટે મૂકો.

એક પેન મા તેલ ધીમા ગેસ પર ગરમ કરવા મૂકો. હવે તેમાં આદુ મરચા લસણ ની પેસ્ટ ઉમેરી તેમાં સમારેલા બધા શાક ઉમેરી દો.

ફાસ્ટ ગેસ પર શાક ને ચડવા દો. હવે તેમાં બધા સોસ મરી પાઉડર,મીઠું વગેરે ઉમેરી તેમાં નૂડલ્સ ઉમેરી ને મિક્સ કરી દો.

હવે ફ્રેન્કી નાં લોટ માથી લુવા બનાવી ને પાતળી રોટલી વણી લો.તેને તવી પર ધીમા ગેસ પર બંને સાઇડ કાચી પાકી સેકી લો.

સેકેલી રોટલી ઠંડી થાય એટલે તેની ઉપર ચીલી અને ટામેટા સોસ લગાવી તેની ઉપર નૂડલ્સ પાથરી દો.અને ફ્રેન્કી ને ફોલ્ડ કરી દો.