સૌપ્રથમ ભાજી બનાવવા માટે બધા જ શાકભાજી ઝીણા સમારી લેવા ત્યારબાદ તેને કુકરમાં ચપટી નમક નાખી બાફી લેવા ત્યારબાદ એક તપેલીમાં તેલ ગરમ કરવા મૂકવું તેલ ગરમ થઈ જાય એટલે તેમાં સમારેલી ડુંગળી અને ટમેટું નાખી બરાબર સાંતળી લેવા

હવે આ મિશ્રણ ની અંદર બાફેલ શાકભાજી ઉમેરી દેવી ત્યારબાદ તેમાં ગરમ મસાલો લીંબુનો રસ મીઠું ખાંડ હળદર આ બધું નાખી સારી રીતે મિક્સ કરી લેવું આ ભાજીને ઠંડી થવા દેવી ત્યારબાદ કોન બનાવી લેવા

કોન બનાવવા માટે સૌપ્રથમ મેંદાનો લોટ ચાળી તેમાં મોણ માટે એક ચમચી તેલ તેમજ ચપટી નમક નાખી પૂરી જેવો લોટ બાંધી લેવો ત્યારબાદ તેમાંથી લુઓ લઇ ત્રિકોણ આકારમાં રોટલી વણવી

આ રોટલી ની વચ્ચે કોનનો મોલ્ટ ગોઠવી કોન તૈયાર કરી લેવો ત્યારબાદ ગરમ તેલમાં તળવા માટે નાખવો આ કોન તળાઈ જાય ત્યારબાદ ઠંડું પડે પછી વચ્ચે થી mould આપોઆપ તેનીમેળે જ નીકળી જશે ત્યારબાદ તળાઈ ગયેલા કોનમાં એક ચમચીભાજી ભરી લેવી ત્યારબાદ ગળી ચટણી નાખવી ફરી પાછી એક ચમચી ભાજી ભરી લેવી

ભાજી ભરાઈ ગયા બાદ ઉપરથી સેવ તેમજ દહીં અને ટોમેટો કેચપ તેમજ ધાણા ભાજી ઉમેરી સર્વ કરવો