સૌ પ્રથમ અખરોટને લોયા માં બેથી ત્રણ મિનિટ રોસ્ટ કરી લો. રોસ્ટ કરેલી અખરોટને ચપ્પુ વડે નાના-નાના ટુકડા કરી લો.

હવે નોનસ્ટીક પેન લો અને તેમાં બધી જ સામગ્રી કન્ડેન્સ મિલ્ક, કોકો પાઉડર, અમુલ બટર, વેનિલા એસેન્સ બધું યોગ્ય રીતે મિક્સ કરી લો અને ધીમા તાપે ગેસ પર પાંચ મિનિટ સુધી હલાવો.

પાંચ મિનિટ પછી જ્યારે ગઢ મિશ્રણ થવા આવે એટલે તેમાં અખરોટના ટુકડા મિક્સ કરી પાંચ મિનિટ સુધી હલાવતા રહો. મિશ્રણ પેન છોડવા માડે એટલે નીચે ઉતારી લો. એક એલ્યુમિનીયમની ટ્રેમાં બટર પેપર મુકી આ મિશ્રણને પાથરી દો અને ઉપરથી અખરોટનો ભૂકો ભભરાવી ઠરવા દો.

જ્યારે મિશ્રણ ઠરી જાય ત્યારે ચોરસ પીસ કરી પીરસો. આમ તૈયાર છે આપણું ચોકલેટ વોલનટ ફર્જ.