સૌપ્રથમ 200 ગ્રામ તુવર-દાળ લઈને તેને ચોખ્ખા પાણીથી ધોઈને કૂકરમાં બાફો.

તુવેર દાળ બફાઈ ત્યાં સુધીમાં એક વાસણમાં ઘઉંનો લોટ લો. તેમાં લાલ મરચા પાઉડર,હળદર પાઉડર, ધાણાજીરું પાઉડર, મીઠું પ્રમાણસર અને ૫ ચમચી તેલ ઉમેરી પાણીથી લોટ બાંધવો.

એક પેનમાં ચાર ચમચી તેલ મૂકો ત્યારબાદ તેમાં રાઇ,જીરૂ, તમાલપત્ર, સુકા મરચા અને હિંગ નાખી વઘાર કરો. વગર થઇ ગયા બાદ તેમાં ટમેટુ ઝીણા સુધારેલા લીલા મરચા ઉમેરો.

વધાર થઇ ગયા બાદ તેમાં તુવેર દાળ અને થોડું પાણી નાખો ત્યાર બાદ તેમાં મગફળીના બી,લાલ મરચા પાઉડર, હળદર પાઉડર, ધાણાજીરૂ પાઉડર, ગરમ મસાલો પ્રમાણસર મીઠું, પાણી અને એક ચમચી ગોળ અને લીંબુ નાખી દાળ ને ઉકળવા દો.

દાળ જ્યારે ઉકળવા લાગે ત્યારે તેમાં ઘઉંના લોટ ના લુઆ બનાવી ગોળ વણી ને તેના નાના-નાના ટુકડા કરવા અને દાળ માં નાખી ચડવા દેવાનું જેથી કરી તે સરખા બફાઈ જાય.

તો તો તૈયાર છે ગુજરાતી ગરમા ગરમ દાળ ઢોકળી.

નોંધ:-જો તમે ગરમાગરમ દાળ ઢોકરી ખાતા હોવ તો તેમાં ઘી ઉમેરવાથી વધુ સ્વાદિષ્ટ લાગે છે.