સૌ પ્રથમ એક બાઉલ લો. તેમ ૧/૪ જેટલું ગરમ ​​પાણી રેડવું, 2 ચપટી મીઠું તથા ખાંડ ઉમેરી હલાવી લેવી હવે આ ૧ ચમચી યીસ્ટ ઉમેરો. બધું સારી રીતે મિક્સ કરી દો અને 10 મિનિટ માટે સાઇડ પર મૂકી દો. હવે યિસ્ટ એક્ટીવેટ થઈ ગઈ હસે. તેમાં મેંદો, વાટેલી લસણ, 2 ચમચી તેલ નાંખો અને સારી રીતે લોટ મા ભેળવી લેવું

તથા સારી રીતે લોટ બાંધી લેવો. (જરૂર મુજબ પાણી ઉમેરો) હવે હાથની હથેળીમાં થોડું તેલ લગાવી ને લોટ ને સારી રીતે મસળી લો.હવે લોટ ને ઢાંકી દો અને 2-3-. કલાક માટે ગરમ જગ્યા પર મૂકી દો.

હવે લોટ ફૂલી ગયો હસે.તેને બરાબર મસળી લો. તથા તેનું સ્ટફિંગ તૈયાર કરવા માટે ગાજર, કેપ્સીકમ,ડુંગળી,ચીઝ,પનીર છીણી લેવી(ઓલિવ પણ લઈ શકાય) પિત્ઝા સોસ, મેયોનીસ તથા ચીઝ સ્પ્રેડ ને મિક્સ કરી પેસ્ટ બનાવી લેવી.

હવે એક એલ્યુમિિયમ નાં કૂકર નાં તળિયે ૧.૫ થી ૨ કપ જેવું મીઠું અથવા રેતી નાખવી.તેના ઉપર કાઠો મૂકી કૂકર બંધ કરી ૫ મિનિટ હાઇ ફલેમ્ પર ગરમ કરવા મૂકવું (તેની રીંગ તથા સિટી કાઢી લો) હવે લોટ નાં ચાર ભાગ કરી લુઆ બનાવી લો તથા કિચન નાં પ્લેટફૉર્મ ઉપર મકાઈ નો લોટ છાંટી તેના ઉપર રોટલો વણી લેવો.હવે ચિત્ર મા બતાવ્યા પ્રમાને તેમાં તૈયાર કરેલી પેસ્ટ તથા સ્ટફિંગ મૂકવું તથા તેના ઉપર ચીલી ફ્લેક્સ તથા ઇટાલિયન સિઝનિગ પાઉડર છાંટવો હવે તેની કિનારી ને પાણી લગાવી એક બીજા સાથે ચોંટાડી આલુ પરાઠા ની જેમ વણી લેવું.

હવે એક એલ્યુમિનિયમ ના વાસણ ને ઘી કે બટર લગાવી ગ્રીસ કરી લેવું. હવે સ્ટફ પીઝા ને તેમાં મૂકી તેના ઉપર ગાર્લિક બટર લગાવી તેના ઉપર ચીઝ,ચીલી ફ્લેક્સ તથા ઇટાલિયન સિઝનીંગ છાંટી દેવું તથા ગરમ થયેલા કૂકર મા મુકી દેવું.હવે ૧૫ થી ૨૦ મિનિટ સુધી બેક કરી લેવું.તૈયાર છે સ્વાદિષ્ટ સ્ટફ્ફડ પિત્ઝા. તેને કેચપ સાથે પીરસો.