ઢોકળાંનું ખીરું બનાવવા માટે બંને જાતના ચોખામાં અલગ અલગ ઉપર જણાવ્યા મુજબ દાળ મિક્સ કરી ૩-૪ કલાક માટે પલાળો. હવે પાણી કાઢી દહીં અને મીઠું મિક્સ કરી મિક્સરમાં ક્રશ કરો. બંને ખીરાને ઢાંકીને ૩ કલાક માટે આથો લાવવા રાખો. ખાટા ઢોકળા માટે વધારે સમય રાખવા પડે.

બ્રાઉન રાઇસવાળા કલર ઢોકળા બનાવવા માટે. ત્રણ અલગ અલગ બાઉલમાં પાલકની પ્યોરી, ગાજરની પ્યારી અને બીટની પ્યોરી લો. ખીરામાં લસણની પેસ્ટ નાંખી હલાવો. હવે તેમાં સોડા નાંખી મિક્સ કરો. ખીરાને ત્રણે પ્યોરીમાં નાંખી બરાબર હલાવો. ચોથું ખીરું પ્લેન જ રાખો. હવે સ્ટીમ કૂકરમાં પાણી નાંખી ગરમ કરવા રાખી ખીરાની પ્લેટની તેલથી ગ્રીઝ કરો. મે ઇડલી શેપમાં ખીરું રાખ્યું છે. ઢાંકણને કપડાંથી બાંધીને સ્ટીમ કરો. ચાકુ ઢોકળાંમાં નાખો જો ચોંટે નહી એનો મતલબ બફાઇ ગયા છે. થોડા ઠંડા થાય પછી કાઢી લો.

હવે આપણા રેગ્યુલર ઢોકળાંમાં થોડી હળદર નાંખી મિક્સ કરી સપાટ પ્લેટમાં પાથરો. ઢોકળા બાફો. ઢોકળાંને કટ કરી તેલ,રાઇ, તલ, મરચા, લીમડો નાંખી વઘારો.

બાફેલા ઢોકળાંને કાચા તેલ, લસણની ચટણી સાથે ખવાય છે. મને તો વઘારેલા ઢોકળાં ગ્રીન ચટણી અને કેચઅપ સાથે ભાવે. ચા સાથે પણ મજા આવે.