સ્ટફિંગ બનાવવા માટેની રીત-સૌપ્રથમ એક પેનમાં તેલ ગરમ કરી તેમાં ઉપર જણાવેલ વેજીટેબલ ઉમેરી સાંતળી લો. હવે તેમાં પનીર, પીઝા મસાલો,સોયા સોસ,મીઠું સ્વાદ અનુસાર ઉમેરી મિક્સ કરી લો.

હવે તેને એક બાઉલમાં કાઢી ઠંડુ થવા દો. પછી તેમાં ચીલી ફ્લેક્સ અને ઓરેગાનો ઉમેરી બરાબર મિક્સ કરી લો.

કણક બાંધવા માટેની રીત- સૌપ્રથમ એક બાઉલમાં મેંદાનો લોટ લઈ તેમાં કોનૅફલોર, મીઠું સ્વાદ અનુસાર અને તેલ ઉમેરી બધી વસ્તુ બરાબર મિક્સ કરી લો. તેમાં જરૂર મુજબ પાણી ઉમેરી કણક તૈયાર કરી લો.

રોલ માટે પટ્ટી બનાવવાની રીત- સૌપ્રથમ લોટની નાની નાની તેમજ પાતલી રોટલી વણી લો. હવે તેના પર બરાબર તેલ લગાવી તેના પર બીજી રોટલી મૂકી ફરીથી રોટલી વણી લો. હવે તેને નોનસ્ટીક પેનમાં મીડીયમ ફેલ્મ પર કાચી પાકી શેકી લો. આ રીતે બધી રોટલી તૈયાર કરી લો.

હવે રોટલીના બંને પડ છુટા કરી લો. હવે આ રોટલી પર સ્ટફિંગ ભરી તેને મેંદાની સ્લરીથી લગાવીને રોલ તૈયાર કરો આ રીતે બધા રોલ તૈયાર કરી લો. હવે પછી એક કડાઈમાં તેલ ગરમ કરી તેને તળી લો.

હવે તેને એક પ્લેટમાં લઈને સોસ સાથે સર્વ કરો.

.