સૌ પ્રથમ મેંદાનો લોટ તૈયાર કરી લો અને પંદરથી વીસ મિનિટ માટે તેને ઢાંકીને રાખી દો. હવે તેના નાના લુઆ કરી બે પડવાળી રોટલી વણી લેવી.

હવે એક પેનમાં તેલ મૂકો. તેમાં આદુ - મરચાં અને લસણ ની પેસ્ટ નાખો. હવે તેમાં સેઝવાન સોસ નાખી સાંતળો. પછી તેમાં ગાજર, કેપ્સિકમ, કોબી એડ કરો. હવે તેમાં નૂડલ્સ મિક્સ કરો.

હવે તેમાં ચીલી સોસ, સોયા સોસ, વિનેગર, લીંબુ, મીઠું નાખો. હવે ટોમેટો સોસ નાખો. બરાબર આ મિશ્રણને હલાવો અને ગેસ પરથી ઉતારી ઠંડુ કરવા મુકો.

હવે એક રોટલી લો. તેમાં વચ્ચે મસાલો મૂકી રોટલી ની આજુબાજુ મેદાની સ્લરી લગાવો અને તેના રોલ વાળી લો. આ રોલને 30 મિનિટ સુધી ફ્રિજમાં સેટ કરવા મૂકી દો.

હવે ફ્રાઇંગ પેનમાં તેલ મૂકી તેમાં આ રોલને તળી લો. બંને બાજુથી બ્રાઉન થાય તેવા તળવા.

તૈયાર છે સ્પ્રિંગ રોલ. તેને સોસ અથવા સેઝવાન ચટણી સાથે સર્વ કરો.