બધા પાપડને કાતરથી વચ્ચેથી કાપી અડધા કરો. હવે એક તવો ગરમ કરી કપડા વડે પાપડને દબાવીને શેકી લો. શેકાયેલા પાપડને ગરમ હોય ત્યારે તરત જ વાળી ને કોન બનાવી લો.

બધા પાપડના આ રીતે કોન બનાવી લો. હવે ડુંગળી, ટામેટું અને લીલા મરચાં ને ઝીણા સમારી લો. એક મોટા બાઉલમાં ભેળ મિક્સ, મમરા, ડુંગળી, ટામેટું, લીલા મરચાં, સમારેલી કોથમીર, ચાટ મસાલો, લીંબુનો રસ નાખી હલાવી મિક્સ કરી લો.

પાપડ કોનને ગ્લાસમાં ઊભા મૂકી મસાલેદાર ભેળ મિક્સ ભરી લો. ઉપરથી કોથમીર, ઝીણી સેવથી સજાવો. અને પોચું કે સોગી થાય એ પહેલાં તરત જ સર્વ કરો.ભરવાનો મસાલો તમારા સ્વાદ મુજબ ખજૂર-આંબલી ની ચટણી અને લીલી ચટણી સાથે ખાટો-મીઠો પણ બનાવી શકાય.