સૌપ્રથમ દહીં ને એક કોટન ના કપડાં માં મુકી ચાર થી પાંચ કલાક માટે બાંધી એમાં થી પાણી કાઢી લેવું.આવી રીતે મસકા દહીં તૈયાર કરવું.દહીં ને બાઉલમાં કાઢી લેવું.હવે તેમાં કાશ્મીરી લાલ મરચું, જીરું પાઉડર, ચાટ મસાલો, ગરમ મસાલો, કીચન કીંગ મસાલો, કસુરી મેથી,ચણા નો લોટ અને મીઠું ઉમેરી મિક્સ કરવું.

ત્યારબાદ એક પેનમાં તેલ ગરમ કરવું. તેલ ઠંડુ થઇ જાય એટલે તેમાં કાશ્મીરી લાલ મરચું નાખી હલાવી દહીં મા ઉમેરવું. હવે તેમાં કેપ્સીકમ ના મોટા પીસ,ડુંગળી મોટાં પીસ, ટામેટા ના પીસ અને પનીર ના પીસ ને દહીં મા દસ થી બાર મિનિટ મેરીનેટ કરવું.હવે મેરીનેટ કરેલા કેપ્સીકમ, ટામેટા,ડુંગળી ના અને પનીર ના પીસ ને એક લાંબા સળિયા માં નાખી ગેસની ધીમી ફલેમ પર બધી બાજુ ફેરવી શેકી લેવું.

ત્યારબાદ પેનમાં તેલ મુકી તેમાં બધા ખડા મસાલા ને શેકી લેવું. ખડા મસાલા શેકાય જાય એટલે તેમાં થી લાલ સુકા મરચાં કાઢી લેવા. હવે તેમાં જીરું નાંખી સમારેલી ડુંગળી ઉમેરી તેને ગોલ્ડન બાઉન થાય ત્યા સુધી સાંતડી લેવું.હવે તેમાં આદુ ની પેસ્ટ અને લસણની પેસ્ટ ઉમેરી સાંતડી લેવું.

ત્યારબાદ તેમાં સમારેલા ટામેટા ઉમેરી મીઠું નાખી સાંતડી લેવું.હવે તેમાં સૂકા લાલ મરચાં ને ઉમેરી સાંતડી લેવું. સંતડાય જાય એટલે તેને બાઉલમાં કાઢી લેવું. ઠંડુ થવા દેવું ઠંડુ થઇ જાય એટલે તેને મિક્સર જાર માં અડધુ કપ પાણી ઉમેરી પીસી લેવું.

ત્યારબાદ પેનમાં તેલ મુકી તેમાં ફરી સમારેલા કાંદા સાંતડી લેવા ગોલ્ડન બ્રાઉન થાય ત્યા સુધી સાંતડી લેવું હવે તેમાં ટામેટા ઉમેરી સાંતડી લેવું. ટામેટા સારી રીતે મિક્સ થઈ જાય એટલે તેમાં કોથમીર અને લીલા લાંબા મરચાં કાપેલા ઉમેરી મિક્સ કરી તૈયાર કરેલી ગ્રેવી ઉમેરી મિક્સ કરવું.

ત્યારબાદ તેમાં કાશ્મીરી લાલ મરચું, ચાટ મસાલો,કીચન કીંગ મસાલો અને મીઠું નાખી મીક્સ કરી તેલ છૂટું પડે ત્યા સુધી થવા દેવું પછી તેમાં મેરીનેટ કરેલા કેપ્સીકમ, ટામેટા, પનીર,કાંદા નું વધેલું દહીં ઉમેરી મિક્સ કરવું. તેમાં છીણેલુ પનીર ઉમેરવું.

ત્યારબાદ તેમાં મેરીનેટ કરેલા કેપ્સીકમ ટામેટા પનીર અને ડુંગળી ઉમેરી મિક્સ કરવું. હવે તેમાં લીંબુ નો રસ ઉમેરી મિક્સ કરી ગેસ પર તાવી ગરમ કરવા મુકી તાવી માં કોબીજ ના પાન મુકી ઉપર પનીર ટીકકા મસાલા સબ્જી મુકી તાવી ની ફરતે બટર મુકી ગરમ કરવા મુકવું.હવે સબ્જી મા કોથમીર ઉમેરી પરાઠા, રોટલી, કુલ્ચા સાથે સવ કરવું.