સૌ પ્રથમ ૧ કડાઈમાં ૦|| કપ દૂધ અને ૦|| કપ ઘી મિક્સ કરી ગરમ કરો.

થોડું ગરમ થાય એટલે બેસન માં મિક્સ કરી હલાવવું. બાદ જાડી ચારણી ની મદદથી તે બેસન ચાળી લો. જેથી એકદમ દાણાદાર મોહનથાળ બને.

પછી ૧ કડાઈમાં ૨ ચમચા ઘી ગરમ કરી તેમાં બેસન ઉમેરી મીડિયમ ફ્લેમ પર શેકવુ.

શેકતી વખતે થોડું થોડું ઘી ઉમેરવું.અને મીડિયમ ફ્લેમ પર હલાવતા રહેવું અને શેકાવાને થોડી વાર હોય ત્યારે તેમા ૨ ચમચી દુધ ઉમેરવું.

બાદ ૧ બાઉલ માં ખાંડ લઈ તે ડૂબે એટલું પાણી ઉમેરી ચાસણી બનાવો. પાણી બળી જાય એટલે એક થી દોઢ તાર ની ચાસણી બનાવી લો.

ત્યારબાદ બેસન શેકાઈ જાય એટલે તેમાં ચાસણી ઉમેરી ઈલાયચી પાઉડર નાખીને બરાબર મિક્સ કરી લો.

૧ ડીશ માં ગરમ મોહનથાળ રેડી તેને ઠંડો થવા દો. બદામ ની કતરણ ભભરાવી ગાર્નિશ કરો.

મોહનથાળ જામી જાય એટલે તેના પીસ કરી સર્વ કરો.