પહેલા તો ચણાના લોટને ચાળી લો. હવે એક વાટકી માં 3 ચમચી દૂધ અને ઘી લઈ ગરમ કરી લો. હવે તેને થોડું કરી ને લોટ માં એડ કરો. ચણાના લોટને મસળતા જાવ. અને તેને એક ઠપી મારી અડધો કલાક રહેવા દો. આને ઢાબો દેવો કહેવાય આ પ્રકિયા કરવી ખૂબ મહત્ત્વ ની છે આનાથી મોહનથાળ દાણેદાર બનશે.

અડધો કલાક પછી એ લોટ ને મોટી કાણાવાળી ચાળણીમાં ચાળી લો.

હવે એક નોનસ્ટિક કડાઈમાં ઘી મુકી તેમાં ચણા ના લોટને શેકી લો. લોટનો કલર ચેન્જ થાય અને કડાઈમાં થી ઘી છુટુ પડે ત્યાં સુધી શેકવું.

હવે એક પેનમાં ખાંડ લઈ તેમાં ડુબે એટલું પાણી લઈ 1 તારની ચાસણી બનાવી લો છેલ્લે તેમાં એલાઈચી અને જાયફરનો પાઉડર એડ કરી દો. મે અહીં અડધા તારની ચાસણી બનાવી છે મને મોહનથાળ સોફ્ટ અને હલવા જેવો જોઈતો હતો એટલે. એક તારની ચાસણી હશે તો મોહનથાળ ના પીસ સરસ પડશે.

હવે ચાસણી ને મોહનથાળ ના મીક્ષણમાં એડ કરતા જાવ અને હલાવતા જાવ. હવે તેમાં તમને ગમતા સુકા મેવા નાંખી તેને ગ્રીસ કરલા ટીનમાં ઠારી લો. ઉપર પણ બદામ અને પિસ્તા ની કતરણ ભભરાવી દો. મોહનથાળ ને ઠરવા માટે 6થી7 કલાક આપવા.

તો રેડી છે આપણો મોહનથાળ તમને ગમતા શેપમાં કટ કરી લો.અને સવૅ કરો.

અહીં ખાસ ધ્યાન રાખવું કે મોહનથાળ બનાવતી વખતે ચાસણી અથવા તો લોટનું મિશ્રણ બંન્ને માંથી એક ગરમ હોવુ જરૂરી છે..